काठमाडौं : विश्व क्रिकेट लिग च्याम्पियनसिप डिभिजन टू तयारी खेल खेल्ने नेपाली टोली शनिबार संयुक्त अरब इमिरेट्स जाँदैछ । नेपाली टोली शनिबार दिउँसो साढे ४ बजे इत्तिहाद एयरको विमानबाट युएइ जान लागेको हो ।
प्रतियोगिताको तयारी स्वरुप नेपालले युएई ए टीमसँग २ वटा र युएइ इलाभेन टीमसँग एउटा अभ्यास खेल खेल्नेछ । नेपाली टोली त्यहीबाट नामिविया जाने तयारी छ । माघ २५ गतेदेखि नामिवियामा हुने प्रतियोगितामा नेपालले क्यानडा, केन्या, नामिविया, ओमान र युएईसंग
खेल्नेछ ।
डिभिजन टू को शिर्ष २ मा पर्न सके नेपालले विश्वकप क्रिकेटको छनौट खेल्न पाउनेछ । पारस खड्काको कप्तानीमा रहेको नेपाली टीममा उपकप्तान ज्ञानेन्द्र मल्लसहित शक्ति गौचन, बसन्त रेग्मी, शरद भेषावकर, सोमपाल कामी, करण केसी, आरिफ शेख, सन्दिप लामिछाने, दिलिप नाथ, ललित भण्डारी, अनिलकुमार शाह र रोहितकुमार पौडेल छन् ।
