भविष्यमा एकअर्कासँग सहकार्य गर्ने भुवन र दिपक दिपाको योजना

२७ मङ्सिर २०७५, काठमाडौँ

भुवन केसी र दिपक दिपा नेपालका नाम चलेका कलाकार हुन् । यी कलाकारहरु नेपालका सफल कलाकार मात्र नभएर निर्माता निर्देशक पनि बनिसकेका छन् । भुवन केसीका छोरा पनि अहिलेका सबैभन्दा चलेका नायक हुन् । यी कलाकारबिचको सम्बन्ध पनि निकै रम्रो रहेको छ ।

यहि बुधबार राजधानीमा भएको सुश्री सम्पत्ति को प्रिमियर शो मा लामो समयपछि दिपक दिपाको भुवन केसीसँग भेट भएको थियो । भुवन केसी र दिपक दिपाले एकसाथ सहकार्य गर्ने कुरा धेरै पहिले मिडियामा आएको थियो । तर त्यो कुरा यत्तिकै सेलाएर पनि गयो । लामो समयपछि भेट भएको बेला मिडियाले भुवन र दिपक दिपासँग यहि विषयमा सोधेको थियो ।

भुवनले दिपक दिपा नेपाली चलचित्र क्षेत्रलाई उच्चस्तरमा लैजाने कलाकार भएको बताए । त्यस्तै दिपाले पनि भुवन केसी आफूलाइ अझैपनि त्यत्तिकै अव्वल नायक लाग्ने बताइन् । त्यतिमात्र नभएर दिपाले भुवन र अनमोलसँग सहकार्य गर्न ठूलो इच्छा भएको बताइन् । भुवनले पनि भविष्यमा अनमोल र उनी दिपक दिपासँग सहकार्य गर्ने बताउँछन् । दिपक दिपा र भुवनले भविष्यमा पक्कै पनि टिमवर्क गर्ने बताएका छन् । दिपाले आफूले अनमोललाई लिएर काम गर्न पहिलेबाट नै रहर भएको र अब भुवनसँग सहकार्य भए आफ्नो त्यो रहर पनि पुरा हुने बताए ।