विक्रम बरालको आवाजमा ‘प्रसाद’ को तेस्रो गीत रिलिज

०१ पुष २०७५, काठमाडौँ

विक्रम बराल नेपाल आइडलका निकै राम्रो गीत गाउने प्रतिस्पर्धी हुन् । अझ धेरैले त उनलाई दोस्रो नेपाल आइडल को दाबेदारको रुपमा पनि हेर्न थालिसकेका छन् । नेपाल आइडलमा आएर विक्रमले छोटो समयमा नै दर्शकको मन जित्न सफल भएका छन् ।

उनले चलचित्र प्रसाद मा एक गीत गाउने अवसर पनि पाएका थिए । चलचित्र प्रसाद यतिबेला देशव्यापी रुपमा निकै सफलताका साथ प्रदर्शन भैरहेको छ । भर्खरै मात्र विक्रमको आवाजमा रहेको चलचित्र प्रसाद को तेस्रो गीत सार्वजनिक भएको छ ।

सुवास भुषालको शब्द र संगीत रहेको बरै क्यारी बाचौँला बोलको गीतमा विक्रम बरालको आवाज रहेको छ । निकै मार्मिक गीतमा विक्रमको आवाज निकै मिठो सुनिएको छ । चलचित्र प्रसाद मा नम्रता श्रेष्ठ, विपिन कार्की र निश्चल बस्नेतको मुख्य भूमिका रहेको छ ।