ललितपुरको पुलचोक क्याम्पसमा हुँदैछ नेपाल आइडल सिजन २ को ग्राण्ड फिनाले

०१ पुष २०७५, काठमाडौँ

नेपाल आइडल सिजन २ नेपालको सबैभन्दा ठूलो र चर्चित गायन रियालिटि  शो हो । पहिलो सिजनलाई दर्शकले अत्यन्तै रुचाएपछि यसको दोस्रो सिजन पनि सुरु गरिएको हो । तर अब नेपाल आइडल सिजन २ पनि  सकिदैँछ ।

नेपाल आइडलको पहिलो सिजन कतारको दोहामा सम्पन्न भएको थियो । नेपाली रियालिटि शो अन्यन्त्र देशमा किन सम्पन्न गर्ने भनेर प्रश्न उठेकाले यसपटक नेपाल आइडल नेपालमै सम्पन्न हुने भएको छ । नेपाल आइडलको ग्राण्ड फिनाले यहि पुष ६ गते ललितपुरको पुलचोक क्याम्पसमा सम्पन्न हुने भएको छ । यतिबेला पुलचोक क्याम्पसमा फिनालेको तयारी भैरहेको छ ।

यसपटक नेपाल आइडलको फिनालेमा ४ प्रतिस्पर्धी पुग्न सफल भएका छन् । फिनालेमा पोखरामा विक्रम बराल, झापाका सुमित पाठक र अस्मिता  अधिकारी र धनगढीका रवि ओड पुग्न सफल भएका छन् । दर्शकले जसलाई सबैभन्दा बढी भोट गर्छन् त्यहि नै नेपालको दोस्रो नेपाल आइडल बन्नेछ ।  पहिलो नेपाल आइडल पोखराका बुद्ध लामा बनेका थिए । यसपटक बाजी कसले मार्ने हो त्यो भने पुष ६ नै थाहा हुनेछ ।