०९ साउन २०७७, काठमाडौं
विश्वव्यापी महामारीको रुपमा फैलिएको कोरोना भाइरसको संक्रमण एसियाली मुलुकमा सबैभन्दा बढी भारतमा देखिएको छ भने विश्वमा कोरोना संक्रमित धेरै हुने देशको सूचीमा तेस्रो स्थानमा रहेको छ ।
पछिल्लो २४ घण्टामा ७ सय ५५ जनाले ज्यान गुमाएसँगै मृत्यु हुनेको संख्या ३० हजार ६ सय ४५ नाघेको छ ।
भारतमा एकैदिन अहिलेसम्मकै उच्च ४८ हजार ४ सय ४६ जनाबढीमा संक्रमण देखिएसँगै संक्रमित हुनेको संख्या १२ लाख ८८ हजार १ सय ३० पुगेको छ । संक्रमितमध्ये अहिलेसम्म ८ लाख १७ हजार ५ सय ९३ जना संक्रमित उपचारपछि निको भएका छन् ।