मलेसिया, २० पुस, २०७४ – मलेसियाको होटेल ग्रेण्ड कन्टिनेन्टल क्वालालम्पुरमा आयोजित सितोरियो कराते कार्यक्रममा १४ विद्यामा मनोनीत खेलाडीहरुलाई अवार्ड वितरण गरिएको थियो । नेपाली प्रवासी सितोरियो कराते संघ मलेसियामा प्रवासी खेलाडीहरुलाई प्रोत्साहन गर्न अवार्ड कार्यक्रम आयोजना गरेको थियो ।
करातेतर्फ राम तामाङ,नोर्बु तामाङ, राम आङदेम्बे, भीमबहादुर महर, सन्तोष रिजाललाई अवार्ड वितरण गरिएको थियो। त्यस्तै अन्तर्राष्ट्रिय रेफ्रीमा लक्ष्मी क्षेत्रीलाई अवार्ड प्रदान गरिएको थियो। २०१७ मा १ रजत पदक र ४ कास्य पदक जितेका तुलाराम धामीलाई बेस्ट अफ दी इयरको सम्मान पत्र पनि दिइएको थियो।
