काठमाडौं, २८ पुस
नेपाल प्रज्ञा प्रतिष्ठानले २९६ औँ पृथ्वी जयन्ती एवम् राष्ट्रिय एकता दिवसको अवसरमा राष्ट्रिय सभा गृहमा हिजो एक कार्यक्रमको बीच नागरिक सभा सम्पन्न गरेको छ ।
समारोहमा शिक्षाविद तथा इतिहाँसविद मोदनाथ प्रश्रितले पृथ्वी नारायण शाहको साहसले गर्दा नेपाल राज्य बनेको हुँदा अब दिगो सरकार बनाएर अघि बढे यिनको सम्मान हुने बताउनुभयो ।
त्यस्तै नेकपा एमालेका उपाध्यक्ष वामदेव गौतमले यस अवसरमा विदा दिने सरकार र कार्यक्रम आयोजना गर्ने प्रज्ञा प्रतिष्ठानलाई धन्यवाद दिए । पृथ्वीनारायण शाह वास्तवमा एक लडाकु मात्र नभएर हिमालको काखमा एउटा सुन्दर राज्य स्थापना गर्न सफल व्यक्तित्व समेत भएको बताए । यसै कार्यक्रममा बोल्दै उनले विवाद आउने पुरानो कुरा कोट्याउन नहुने चिन, जापान, युरोप भन्दा ३०० वर्ष पछाडी भएको हाम्रो देशलाई अहिलेको विज्ञान र प्रविधिको प्रयोगले स्वतन्त्रताको रक्षा गर्दै छिटो भन्दा छिटो सम्वृद्धि र विकाशको नयाँ अवस्थामा लग्नु पर्ने बताउनु भयो । साथै मेलमिलाप र एकता सत्ताको लागि नभई करोडौ नेपाली जनता र राष्ट्रिय एकताको लागि हुनपर्ने पनि जानकारी गराउनु भयो ।
त्यसैगरी, काग्रेंस नेता रामचन्द्र पौडेलले लोकतन्त्रको मूल्य र मान्यता समाउने समाजवाद भएमा राष्ट्रिय मेलमिलाप हुने बताउनु भयो ।
कार्यक्रममा नेता नारायणकाजी श्रेष्ठले पृथ्वीनारायण शाहलाई स्वतन्त्र परराष्ट्र नीति भएका एक स्वाधिन अर्थतन्त्रको सुरुवात गरि राष्ट्रिय एकताको भावना बोकेका इतिहास पुरुष भएको समेत बताउनु भयो ।
नेता सिपी मैनालीले पृथ्वीनारायण शाहाले टुक्रे राज्यहरुलाई एकिकरण गरि दाजुभाईलाई राज्य अंश नदिएर एकतामा बाँडेको बताउनु भयो ।
प्रज्ञा प्रतिष्ठानका कुलपति गंगाप्रसाद उप्रेतीले यस्ता कार्यक्रमहरुको आयोजना प्रतिष्ठानका गरि वत्ताहरुका वक्तव्य बाहिर ल्याउने त्यसलाई पत्रकारले जनता समक्ष पुर्याउनु पर्ने पनि बताउनु भयो ।
उपस्थित सबै वक्ताहरुले पृथ्वीनारायणको साहसको प्रशंसा गर्दै नेपाल निर्माणमा उहाँको अत्यन्त ठुलो योगदान रहेको समेत बताउनु भयो ।
