बाथरुम घटनाको रहस्य

बाथरुम अँध्यारो हुनु, चिप्लो हुनु, साबुन र सेम्फुको चिप्लो रहनु, बाथरुममा पानीको काम पर्नु, बाथरुमको भुइँ चिप्लो हुनु , चप्पल खश्रो सोल भएको प्रयोग नगर्नु, रातिमा अर्धहोशमै बाथरुम जानु । जस्ता दर्जनौं कारणले गर्दा बाथरुममा दुर्घटना बढिरहेको छ ।

लड्ने बित्तिकै मृत्यु हुने कारण के हो ?

बाथरुममा लड्दा मृत्यु हुने प्रमुख कारण हेड इन्जुरी हो भने अपांगता हुने प्रमुख कारण इस्पाइनल इन्जुरी हो । बाथरुममा लड्दा जुन अंगमा ठोकिन्छ, त्यहि अंग र संगै रहेको हड्डीमा असर पर्ने हुँदा आँखा गुम्ने, दांत भाँचिने, करंग भाँचिने, मेरुदण्ड भाँचिने, हातखुट्टा भाँचिने, शरीरका भित्री अंगमा रगत जम्ने, भित्रि अंगलाई चोट पुग्ने, गर्भवतीको गर्भपतन हुने लगायत धेरै अकल्पनीय स्वास्थ्य समस्या बेहोर्नु पर्दछ।

रोकथाम कसरी  गर्ने ?

बाथरुमलाई सफा, ओसिलो, खस्रो तथा कारणबश लडेमा कम क्षति हुने प्रकारको बनाउनु, खश्रो सोल भएको चप्पल प्रयोग गर्नु, प्रकाशको पर्याप्त व्यवस्था गर्नु, साबुन रसेम्फुको चिप्लो नराख्नु, भिजेका कपडा नराख्ने, मिल्ने ठाउँमा खस्रो कार्पेट राख्ने, बाथरुममा खस्रो टायल लगाउने , सकभर ट्वाइलेट र बाथरुम अलग अलग बनाउने,चस्मा प्रयोग गर्ने व्यक्तिले बाथरुम जाँदा पनि चस्माको प्रयोग गर्ने, राति उठेर केहि मिनेट बसेपछि अर्थात पूर्ण होसमा आएपछि मात्र बाथरुममा जानु, निद्रा लाग्ने औषधिसेवी, मादक पदार्थसेवी, उच्च रक्तचाप भएका तथा बृद्धबृद्धाले बिशेष ख्याल गर्नुपर्ने जस्ता धेरै उपाय गर्नु जरुरी छ १ यो उपेक्षित गरिएको तर सबैतिर भइरहेको ठूलो स्वास्थ्य समस्या हो । बाथरुम सुरक्षा चेतना हामीले नफैलाए कसले फैलाउने र ।