किन आएका थिए सुनिल ग्रोवर नेपाल

काठमाडौँ, २१ पुस
भारतका चर्चित हास्य कलाकार सुनिल ग्रोवर अर्थात्, डा.गुलाटी एकसाता अघि नेपाल आएका थिए ।राजधानीमा भएको एक कर्पोरेट शोमा सहभागी हुनका लागि उनी नेपाल आएका थिए  । उनीसँगै नेपाली कलाकारहरु गायक हेमन्त राना, नायिका स्वस्तिमा खड्काले पनि आफ्नो प्रस्तुती प्रस्तुत गरेका थिए ।

उनले काठमाडौं आएपछि पशुपतिनाथ मन्दिरको समेत दर्शन गरेका थिए । सुनिलले पशुपतिमा एक बाबासँग उभिएको तश्विर समेत आफ्नो आधिकारीक इन्स्टाग्राममा राखेका छन् । उनको निधारमा रातो चन्दन र घाँटीमा रुद्राक्षको माला देख्न सकिन्छ ।

भारतीय कमेडियन कपिल शर्मासँगको झगडापश्चात ‘द कपिल शर्मा शो’बाट बाहिरिएका सुनिल ग्रोवर अहिले विभिन्न देशमा हुने कार्यक्रममा व्यस्त छन् । चाँडै कपिलले सोनी च्यानलमा सुरु गर्न लागेको नयाँ शोमा सुनिलले सँगै काम गर्ने भएको बताइएको छ । सुनिले डा गुलाटी, महिलाको भेषमा गुथ्थीको रुपमा गरेको अभिनयबाट चर्चित भएका थिए ।