२९ पुस २०७४
हिजो सुक्रवार प्रवासी नेपाली मञ्चको दुबई राज्य कमिटीको छैठौ अधिवेशन बरदुबईको सिल्भरस्पून रेस्टुरेन्टमा मञ्चका युएई अध्यक्ष श्याम कंडेलको प्रमुख आतिथ्यमा सम्पन्न भयो ।
अधिवेशनमा राष्ट्रिय कमिटीका पदाधिकारी तथा सदस्यहरु , विभिन्न राज्य कमिटी अध्यक्षहरु र प्रवासमै रहेका समाजसेवीहरु अतिथि थिए ।
कमिटीका संयोजक दिपक राउतको अध्यक्षतामा अधिवेशन सम्पन्न भएको थियो । अधिवेशनमा बिघठित कमिटीका उपाध्यक्षले राजनैतिक र सांगठनिक प्रतिवेदन पेश गरेका थिएभने सचिव मणिराम खतिवडाले आर्थिक प्रतिवेदन पेश गरेका थिए ।
अधिवेशनले मणिराम खतिवडाको अध्यक्षतामा १३ सदस्यीय पूर्ण कमिटी चयन गरेको छ । कमिटीको उपाध्यक्ष कैलास भण्डारी, सचिव दिलिप खाती, सहसचिव भागिरथ चापागाईं र आर्थिक विभाग प्रमुखमा बस्ती लामा रहेका छन् ।
कमिटीको सदस्यहरुमा रिता आचार्य , अनिल श्रेष्ठ, नेत्र भुसाल, राजु बोगटी, वसन्त कार्की र बाबुराम विश्वकर्मा सर्वसम्मत निर्वाचित भएका छन् । कमिटीको विधान अनुसार २ जना सदस्य कमिटीले थप्न सक्ने छ ।
नवनिर्वाचित कमिटीलाई बधाई तथा शुभकामना दिनुहुँदै मञ्चका राष्ट्रिय कमिटी अध्यक्ष श्याम कंडेलले देश समृद्धिको अभियानमा आफ्नो ठाउंबाट लाग्न अपिल गरे ।
युएईमा गर्न हुने र नहुने कामहरुको बारेमा समेत सबैलाई सचेत गराएका थिए । प्रवासी नेपाली मञ्च नेकपा एमालेको प्रवास संगठन हो ।
