![](https://i0.wp.com/www.pariwartankhabar.com/wp-content/uploads/2018/01/download-17.jpg?fit=273%2C185&ssl=1)
काठमाडौं, १३ माघ
भारत सरकारको सम्मानित पद्म श्री पदकबाट आँखा रोग विशेषज्ञ तथा डाक्टर सन्दुक रुईत सम्मानित हुनुहुने भएको छ ।
भारतको स्वतन्त्रता दिवसको अवसरमा बिहीबार घोषणा गरिएको सम्मान तथा पदकको सूचीमा डाक्टर रुइतलाई आँखाको उपचारमा पुर्याएको योगदानको कदर गर्दै पद्म श्री परस्कारबाट सम्मान गर्ने निर्णय भएको जनाएको हो ।
उहाँकै नेतृत्वमा तिलगंगा आँखा अस्पतालले उत्पादन गर्ने मोतीविन्दुको उपचारमा प्रयोग गरिने लेन्स विश्वका ९० भन्दा बढी देशमा निर्यात हुने गरेको छ । डा. रुईतको नेतृत्वमा विकास भएको मोतिबिन्दुको उपचारको पद्धति संसारका धेरै देशमा ‘नेपाल मोडल’ का रुपमा अपनाइन्छ ।
डाक्टर रुइत यसअघि एशियाकै सर्वाधिक प्रतिष्ठित पुरस्कार रोमन म्यागासेसेबाट पनि सम्मानित हुनुभएको छ । पद्म श्री पुरस्कार भारत सरकारले दिने चौथो ठूलो सम्मान हो । यसअघि, नेपालका अनुराधा कोईरालालाई भारत सरकारले पद्म श्रीबाट सम्मान गरेको थियो ।