काठमाडौं, १६ माघ
चर्चित बहस कार्यक्रम साझा सवाल बन्द भएको छ । बीबीसी मिडिया एक्सनले उत्पादन गर्ने उक्त कार्यक्रम बन्द भएको हो ।
विगत दश वर्षदेखि प्रसारण हुँदै आएको कार्यक्रमलाई रोकिएको विविसी साझा सवालले जनाएको छ ।
एक टेलिभिजन सहित देशका ३ सय ५० रेडियो, केहि केवल टेलिभिजन र यु ट्युव च्यानल मार्फत प्रसारण हुँदै आएको कार्यक्रम दर्शक श्रोताहरुले मन पराएको कार्यक्रम थियो ।
दश वर्ष अघि तत्कालिन प्रधानमन्त्री गिरीजाप्रसाद कोइरालाको अन्तर्वाताबाट शुरु गरिएको साझा सवाल ५२९ अंक पुगेर रोकिएको हो ।
कार्यक्रम बन्द गरिनुको कुनै कारण खुलाइएको छैन ।
कार्यालय बागबजारमा राती अबेरसम्म होहल्ला भएपछी स्थानीयले प्रहरी बोलाएर होहल्ला नियन्त्रण गर्नुपरेको थियो ।
