काठमाडौँ, २० माघ
भर्खरै भारतीय क्रिकेट टिमका कप्तान विराट कोहलीसँग बिहे गरेकी अभिनेत्री अनुष्का शर्माले आफ्नो बिहेपछिको पहिलो भ्यालेन्टाइन डे विराटसँग मनाउने छैनन् । उनको बिहेपछिको पहिलो भ्यालेन्टाइन डे अभिनेता बरुण धवनसँग बित्नेछ ।
यसको सबैभन्दा ठूलो कारण हो अनुष्काको आउँदै गरेको फिल्म सुई धागा । यो फिल्मको सुटिङ भ्यालेन्टाइन डेको दिन सुरु हुँदैछ । यो दिन उनी सफल्मका हिरो बरुण धवनसँग हुनेछिन् । विराट भने अहिले दक्षिण अफ्रिकासँग वन डे क्रिकेट खेलिरहेका छन् र उनको सिरिज भ्यालेन्टाइन डेसम्म सकिने छैन । अनुष्का अहिले यही फिल्मको लागि कढाइ गर्न सिकिरहेकी छिन् । यसको लागि उनले क्लास लिन पनि सुरु गरिसकेकी छिन् ।
हालै अनुष्काको एउटा फोटो सार्वजनिक भएको थियो जसमा उनी कढाइ गरिरहेकी देखिएकी थिइन् । फिल्ममा अनुष्काको अपोजिट रोल गरिरहेका बरुणको पनि फोटो सार्वजनिक भएको थियो । यसका उनी सिलाइ मेसिन चलाइरहेका देखिएका थिए । यो फिल्म २८ सेप्टेम्बरमा रिलिज हुँदैछ ।
