काठमाडौँ । इङलिश प्रिमियर लिगमा म्यानचेस्टर युनाइटेड विजयी भएको छ ।
गएराती भएको खेलमा युनाइटेडले हडर्सफिल्डलाई २-० गोल अन्तरले पराजित गरेको हो ।
यस खेलमा जनवरी विन्डोमा युनाइटेड आएका एलेक्सिस सान्चेजले युनाइटेडका लागि डेभ्यु गोल गरेका छन् ।
खेलको ६८औ मिनेटमा सान्चेजलाई डिबक्स भित्र लडाए पछि युनाइटेडले पेनाल्टी पाएको थियो । सान्चेजले पेनाल्टी मिस गरेपनि किपरको हातमा लागेर रिटर्न भएको बललाई गोलमा परिणत गर्दै आफ्नो डेभ्यु गरेका थिए ।
यसअघि खेलको ५५औ मिनेटमा युनाइटेडका लागि लुकाकुले गोल गर्दै युनाइटेडलाई सुरुवाती अग्रता दिलाएका थिए ।
लिगमा युनाइटेड शिर्ष स्थानमा रहेको म्यानचेस्टर सिटीभन्दा अब १३ अंकले पछाडी परेको छ । सिटी गएराती नै बराबरीमा रोकिए पछि दोस्रो स्थानमा रहेको युनाइटेडसँगको अंक दुरी घटेको हो ।
