काठमाडौँ : यस्तो लाग्छ हिजोआज प्रेम देखाइन्छ । पहिले पहिले लुकेर गरिने माया अचेल देखाएर गरिँदैछ । अझ सेलिब्रेटीको दुनियामा त माया भन्ने कुरा फेसन जस्तै भएको छ । जुन झागिंन नपाउँदै मलजल गरेर सामाजिक संजाल र मिडियामा भाइरल नै बनाइन्छ । हिजो आज कलाकार प्रेमी प्रेमीकाका रूपमा सार्वजनिक कार्यक्रममै पुग्न थालेका छन् ।
उनीहरूले आफ्नो प्रेम सामाजिक सञ्जालबाट समेत निर्धक्क सार्वजनिक गर्न थालेका छन् । सामाजिक संजालमा छ्यापछ्याप्ती तस्विर पोष्ट गर्ने चलचित्रकर्मी तर प्रेममा रहेका कलाकार प्रियंका कार्की र आयुष्मान देशराज, सृष्टी र सौगात, शिल्पा र छविराजको भन्दा अलिक भिन्न् रहेर गुपचुप रुपमा प्रेम गरिरहेको एउटा अर्को जोडी हो अभिनेत्री साम्राज्ञी राज्यलक्ष्मी शाह र मयंक खड्काको जोडी । जसले आफूहरु प्रेममा रहेको कुरालाई अस्विकार गर्दै साथी मात्र भएको बताउँदै आएका छन् । साम्राज्ञी र मयंकका तस्बिर सामाजिक सञ्जालबाट सार्वजनिक भएपछि उनीहरूको प्रेम बाहिर आएको हो । तर, मिडिया इन्टरभ्युहरूमा भने उनले मयंकसँगको प्रेम स्विकार गरेकी छैनन् । जुन कुरा अन्य कलाकारहरुले पनि सुरुवाती समयमा गर्थे यो जोडीले पनि त्यही काम गरेको जस्तो देखिन्छ ।
