नेपालमा प्रधानमन्त्री दुबईमा खुसियाली

काठमाडौं, ६ फागुन २०७४

नेपालको ४१ औं प्रधानमन्त्रीको रुपमा नेकपा एमालेका अध्यक्ष के पि शर्मा ओली नियुक्त हुनुभएकोमा आबुधाबिमा दिपावली सहित उहाँलाई बधाई तथा सफल कार्यकालको शुभकामना दिइएको छ ।

युएई आबुधाबीमा कार्यरत एमाले सम्बद्ध नेपालीहरु द्वारा आयोजित उक्त कार्यक्रममा राष्ट्रिय गानको साथमा ४१ वटा दीप प्रज्वलन गर्नुको साथै केक काटेर खुसियाली व्यक्त गरिएको थियो ! कार्यक्रममा प्रवासी नेपाली मञ्च युएईका केन्द्रिय समिति सदस्य तथा आबुधाबी क्षेत्र इञ्चार्ज तीर्थराज भट्टराई लगायत उपस्थित एमाले शुभेच्छुकहरुले बधाई तथा शुभकामना मन्तव्य राखेका थिए ।

उपस्थित वक्ताहरूले ओलीले अघिल्लो नौ महिने कार्यकालमा लिएको राष्ट्रवादको अडान र सम्वृद्ध नेपालको निम्ति कोरेको खाकाको खुलेर तारिफ गर्दै उहाँको अबको कार्यकालमा मुलुकले आर्थिक क्रान्ति गर्ने विश्वास व्यक्त गरेका थिए ।