हेर्दा हेर्दै महिला एक्सरे मेशिन भित्र छिरेपछि (भिडियो सहित)

एजेन्सी । चीनमा एक महिला आफ्नो पैसाले भरीएको झोला सहित एक्से मेशिन भित्र छिरेकी छिन् । दक्षिणी चीनको डुङ्गुआन रेल्वे स्टेशनका कर्मचारीहरू त्यतिबेला छक्क परे जब उनीहरूले एक्सरे मशिनमा एक यात्रुको छाया तस्वीर देखे।

चिनियाँ नयाँ वर्ष मनाउन सर्वसाधारणहरू घर फर्किने चटारो भएका बेला गत आइतवार यस्तो अनौठो घटना भएको चिनिया समाचार संस्था सिन्ह्वाले जनाएको छ । सिन्ह्वाका अनुसार यात्रुको सामान ओसार्ने प्रणाली पार गरेपछि ती महिलाले आफ्ना झोलाहरू हेरिन् र हिँडिहालिन्।

अग्लो हिल भएको जुत्ता लगाएकी ती महिला आफ्ना झोलापछाडि हातगोडा टेकेर एक्सरे मशिनभित्र बसेको छाया तस्वीरमा देखिएपछि उनी मेशिन भित्र छिरेको सुईको बल्ल कर्मचारीले पाएका थिए । यो अनौठो घटना घटेपछि बल्ल सुरक्षा ब्बस्थामा कडाई गरिएको छ ।