मुम्बइ। सन् २००१ मा सुरु भइ २००८ मा सकिएको अत्याधिक लोकप्रिय भारतीय टेलिभिजन सिरियल ‘कसौटी जिन्दगी की’ आज पनि धेरैले सम्झिन्छन् । प्रेरणा, अनुराग बसु, कोमोलिका र मिस्टर बजाजको भूमिका आज पनि धेरैको मस्तिष्कमा ताजै छ । टिभी क्वीन भनेर चिनिने यो सिरियलकी निर्माता एकता कपुरले पुनः यो सिरियल टिभिमा ल्याउने खबर छ ।
उनले यसको संकेत ट्वीटरमार्फत गरेकी छिन् । उनले लेखेकी छिन् ‘२००१ मा मैले टुटेको दिलको साथमा यो लेखेकी थिएँ । अब १७ वर्षपछि मैले यसलाई ‘रिबुट’ गर्दैछु । ९ वर्षसम्म चलेको यो सफल प्रेमकथा मैले फेरि ल्याउँदैछु । फेरि आफ्नो टुटेको दिललाई एउटा कलाका परिणत गर्नेछु ।’ पोस्टसँगै उनले लेखेकी छिन् ‘नेम्स टु बि अनाउन्सड’ । यो शो पुनः टेलिभिजनमा फर्किएमा यसमा मुख्य भूमिकामा पुरानै कलाकार फर्किनेछन् वा नयाँ भन्ने निश्चित छैन ।
