भारतीय चलचित्र जगत बलिउडकी चर्चित अभिनेत्री श्रीदेवीको आकस्मिक निधनले बलिउड स्तब्ध भएको छ । श्रीदेवी संयुक्त अरब इमिरेट्समा आफन्तको वैवाहिक कार्यक्रममा सहभागी हुन पुगेकी श्रीदेवीको शनिबार राति हृदयघातका कारण निधन भएको परिवारले सञ्चारमाध्यमलाई जानकारी गराएको छ । ५४ वर्षीया श्रीदेवी चार वर्षकै उमेरदेखि कलाकारितमा सक्रिय भएकी थिइन् । उनका मिस्टर इण्डिया, चाँदनी, मावली, तोफा, चालबाज, लमहे, खुदा गवाह, जुदाईजस्ता निकै चर्चित चलचित्र हुन् ।
उनको जन्म जन्म सन् १९६३ को अगष्ट १३ मा भारतको तमिलनाडुमा भएको थियो । तामिल चलचित्रबाट अभिनयमा प्रवेश गरेकी श्रीदेवी बलिउडमा सर्वाधिक रुचाइएकी मध्ये एक हुन् । उनको निधनपछि उनका विभिन्न तस्बिर सार्वजनिक भएका छन् । उनले विभिन्न सेलिब्रेटी र आफन्तसँग लिएका २४ तस्बिर हेर्नुहोस् । (पाथिभरा टिभी)
