एजेन्सी। क्याम्ब्रिज विश्वविद्यालयको एक अध्ययनमा भेडाले मानिसको अनुहार पहिचान गर्न सक्ने देखिएको छ। क्याम्ब्रिजका अनुसन्धानकर्ताहरुले भेडालाई जेक गेलेनहाल, एम्मा स्टोन, बाराक ओबामा र बिबिसीकी समाचारवाचक फियोना ब्रुसको अनुहार चिन्न सक्नेगरी तालिम दिएका हुन्।तालिमपश्चात भेडाले अपरिचित र परिचित अनुहार छुट्याउन सफल भएको थियो।
यसअघिका अध्ययनहरुमा पनि भेडाले आफ्नो रेखदेख गर्ने मानिसलाई चिन्न सक्ने पत्ता लागेको थियो।वेल्स माउन्टेन प्रजातिका ८ पोथी भेडालाई चार सेलिब्रेटीको अनुहार छुट्याउन लगाइएको थियो। यसका लागि उनीहरुलाई खाना दिएर पुरस्कृत गरिएको थियो।
भिडियो हेर्नुहोस
