काठमाडौं – बलिउडको दिवंगत अभिनेत्रीको भान्जा मोहित मारवाहको विवाह भएको ४ दिन पछि दुबईमा निधन भएको हो । दुबईबाट उनको पार्थिव शरीर भारत ल्याउनको लागि कानूनी प्रक्रिया चलिरहेको छ। आशा छ कि आज उनको पार्थिव शरीर भारतमा ल्याइनेछ। यस बीच भान्जा मोहितको विवाहमा श्रीदेवीको अनिल कपूरसँग डान्स गरेको एक भिडियो सामाजिक सञ्जाल फेसबुक, ट्वीटर , इन्स्टाग्राममा निकै भाइरल भईरहेको छ।
अनिल कपूर श्रीदेवीको पति बोनी कपूरको भाइ हुन्। अनिल र श्रीदेवीले थुप्रै हिट फिल्महरुमा सँगसँगै काम गरेका छन्। दुवै जोडीलाई सिल्भर स्क्रिनमा धेरैले मन पराएका थिए। उनीहरुले १२ फिल्महरुमा एक साथ काम गरेका छन्। अक्सर दुवैलाई पारिवारिक उत्सवहरुमा सँगै देखिन्छ।
यो भन्दा पहिले एक पारिवारिक समारोहमा श्रीदेवी र बोनी कपूरको डान्स भिडियोले सोसल मिडियाहरुमा निकै तरंग पैदा गरेको थियो। गत २० फेब्रुअरीमा भएको विवाहमा कसैले पनि सोचेका थिएनन होला कि महान बलिउड अभिनेत्रीको परिवारसँग यो डान्स अन्तिम हुनेछ। यस बाहेक उक्त विवाहको एक अर्को भिडियो पनि सार्वजनिक भएको थियो जसमा श्रीदेवीलाई फ्लाइंग किस गरिरहेको देख्न सकिन्छ।
दुबईमा विवाह उत्सवमा रमाईरहेका दुवै कलाकारहरु आफ्नो हिट गीतमा नभई ज्याकलिन फर्नाडिजको गीत ‘चिट्टिया कलाइया’ मा डान्स गरिराखेका देख्न सकिन्छ। यो अनिल कपूरसँग श्रीदेवीको अन्तिम डान्स भिडियो हो। भान्जाको विवाह उत्सवमा डुबेका अनिल कपूरलाई अन्दाज थिएन होला कि यहीँ उनको श्रीदेवीसँगको अन्तिम डान्स हुनेछ।
