‘लिलिबिलि’ ट्रेलर सार्वजनिक

चैत्र ३० गतेदेखी प्रदर्शनमा आउने तयारी गरिरहेको सिनेमा ‘लिलिबिलि’को ट्रेलर सार्बजनिक भएको छ । काठमाण्डौंमा एक कार्यक्रमको आयोजना गदैं निर्माण टिमले सिनेमाको ट्रेलर सार्बजनिक गरेका हुन् ।

प्रदिप खड्का, जसिता गुरुङ, प्रियंका कार्की, अनुप बिक्रम शाही लगायतका कलाकारहरुको अभिनय रहेको सिनेमाको ट्रेलरमा जसिता र प्रदिप बिचको रोमान्सलाई देखाईएको छ । आकर्षक दृश्य समावेश उक्त ट्रेलरले छोटो समयमा दर्शकको राम्रो प्रतिकृया पाईरहेको छ । अधिकांश छांयाकन बिदेशमा गरिएको हुनाले सिनेमालाई बलिउड तथा हलिउडको लभ स्टोरी सिनेमा भन्दा कम देखिदैंन । प्रदिप र जसिताको प्रेम, रोमान्स, द्धन्द्ध, बिछोडलाई सिनेमाको ट्रेलरले प्राथमिकतामा राखेको छ ।

गोबिन्द शाही र सुदिप खड्काको निर्माणमा तयार भएको सिनेमालाई मिलन चाम्सले निर्देशन गरेका हुन् । पछिल्लो समय निकै तारिफ बटुलेका छांयाकार सुदिप बरालले खिचेको उक्त सिनेमालाई अर्जुन जिसीले सम्पादन गरेका हुन् । सिनेमा चैत्र ३० गतेबाट प्रदर्शनमा आउँदै छ ।