राष्ट्रकविको स्वास्थ्यमा सुधार

काठमाडौँ, २४ फागुन

केही दिनदेखि अस्वस्थ हुनुभएका राष्ट्रकवि माधवप्रसाद घिमिरेको स्वास्थ्यमा सुधार हुँदै गएको छ ।

छातीमा सामान्य समस्या देखिएपछि केही दिनअघि ललितपुरको भैंसेपाटीस्थित मेडिसिटी अस्पतालमा भर्ना गरिनुभएका ९९ वर्षीय राष्ट्रकविलाई तीन दिनपछि काठमाडौँ लैनचौरस्थित घरमा ल्याइएको छ ।

अहिले उहाँ घरमै आराम गरिरहनुभएको र स्वास्थ्यमा सुधार हुँदै गएको उहाँकी नातिनी महिमाले जानकारी दिनुभयो ।