२५ फागुन २०७४ काठमाडौं ।
क्यूएफएक्सले राजधानीको पर्यटकीय क्षेत्र ठमेलमा सुविधा सम्पन्न सिनेमा हल सञ्चालनमा ल्याएको छ । ‘छायाँ सेन्टर’ नाममा खुलेका सिनेमा हलमा तीनवटा पर्दा रहनेछन् । छायाँ सेन्टरको बिहीबार उद्घाटन गरिएको थियो । क्यूएफएक्सको नेपालभरि १८ वटा सिनेमा हल छन् ।
यसअघि ललितपुरको पुल्चोकमा रहेको लबिम मलमा क्यूएफएक्सले दुईवटा पर्दा भएको सिनेमा हल सञ्चालनमा ल्याएको थियो । सुरुमा जयनेपाल र कुमारी हलमा क्यूएफएक्सले हल सञ्चालनमा ल्याएको थियो । छायाँ सेन्टरका अध्यक्ष नकिम उद्दिनले ठमेल जस्तो पर्यटकीय क्षेत्रमा पर्यटकलाई लक्षित गरी एउटा पनि सिनेमा हल नखुलेकाले आफूहरूले सिनेमा हल सञ्चालनमा ल्याएको बताए ।
क्यूएफएक्सको छायाँ सेन्टर उद्घाटनमा मोडल एवं अभिनेता प्रशान्त ताम्राकार, दीपकराज गिरी, निर्मल शर्मा, नाजिर हुसेन, सुनिलकुमार थापा, नायिका अश्लेषा ठकुरीलगायत पुगेका थिए ।
