अनलाइनबाट मगाएको बट्टा खोल्दा उड्यो होस, सँगसँगै आयो यस्तो चीज

अनलाइनबाट सामान मगाउँदा धेरैले विभिन्न गुनासो गर्ने गरेका हुन्छन् । तर, बेलायतकी एक महिलाको भने सामान प्याक भएर आएको बट्टा खोल्नासाथ होसहवास उडेको छ । ३२ वर्षकी नर्स एमाले अनलाइन वेबसाइटबाट आफ्नो लागि एक जोडी सेण्डिल अर्डर गरेकी थिइन् । सामान समयमै उनको घर पुग्यो । तर जब एमाले बट्टा खोलेर हेरिन्, उनको होश उड्यो ।

सामान आएपछि एमाले बट्टा खोलेर हेरिन् जहाँ सेण्डिल त थियो नै तर बट्टामा कसैको दिसा पनि थियो । बट्टाबाट निकै भयानक दुर्गन्ध आइरहेको थियो । यो देखेर उनको होस उड्यो । एमा चकित भइन् कि बट्टाभित्र यस्तो कुरा कसरी आयो ?

उनलाई कसैले जानेरै यस्तो गरेको हो वा कुनै जनावरले यस्तो गरेको हो भन्ने बुझ्नै गाह्रो भयो । उनले त्यसपछि यसको गुनासो बिक्रेतालाई दिइन् र यसको फोटो अनलाइनमा शेयर गरिन् । उनको गुनासोपछि कम्पनीले सामान फिर्ता लिएर उनीसँग माफी माग्दै उनको सबै पैसा फिर्ता गरिदिएको छ । यसबारे जाँच भइरहेको कम्पनीले जनाएको छ ।