विश्व चर्चित टेलिभिजन फ्रेन्चाइज आइडलको नेपाली संस्करण नेपाल आइडलको पहिलो संस्करण पोखराका बुद्ध लामाले जिते। निशान भट्टराई र प्रताप दास क्रमश दोश्रो र तेस्रो भए। अहिले नेपाल आइडलका ति टप ३ प्रतियोगीहरू देश तथा विदेशको विभिन्न कार्यक्रममा व्यस्त छन्। टप ३ प्रतियोगीहरू मात्र हैन अन्य प्रतियोगीहरू पनि नयाँ गीत सार्वजनिक र कार्यक्रमहरूमा व्यस्त छन्।
यसैबीच नेपाल आइडलको टप ५ बाट बाहिरिएकी सुजाता पाण्डेले आफ्नो नयाँ गीत ल्याएर दर्शकमाझ आएकी छन्। ‘कोहि भन्छन् ‘ बोलको उक्त गीतमा रुद्र ज्ञवालीको शब्द र तेज प्रसाद पाण्डेयको संगीत रहेको छ। गीतको म्युजिक भिडियोमा नेपाल आइडलकी होस्ट रीमा बिश्वकर्मा र निराजनले अभिनय गरेका छन्।
