पूर्वपति छविसँग फोटो खिचाउँदै रेखाले भनिन् “पारिवारिक फिल्म बनाउने छविको पुरानो विशेषता हो”

काठमाडौं– अभिनेत्री रेखा थापाले निर्माण गरेको फिल्म ‘रुद्रप्रिया’लाई बधाई दिन पुगेयता पूर्व पतिपत्नी रेखा थापा र छविराज ओझाको तीतो सम्बन्ध सामान्यीकरण भएको धेरैको अनुमान थियो । छविले निर्माण गरेको ‘मंगलम’ हेर्न आइतबार बिगमुभिजमा रेखा पनि उपस्थित भएपछि दुवैको सम्बन्ध हार्दिकता परिणत भएको धेरैको टिप्पणी छ । फिल्म हेर्न आएकी रेखाले पूर्वपति छविसँग फोटोमात्र खिचाइनन्, फिल्मको खुलेर पनि तारिफ गरिन्।

‘पारिवारिक फिल्म बनाउने छविको पुरानो विशेषता हो त्यो मंगलमसम्म पनि निरन्तर छ । फिल्ममा पुष्प र शिल्पाको अभिनय उच्चकोटीको छ । निर्माताको रुपमा पनि छविले खर्च गर्न कुनै कन्जुस्याँई गरेका छैनन्,’ रेखाले भनिन्, ‘निर्देशक नवल नेपालको पनि काम गरेका छन्।’