काठमाडौं, २८ फागुन २०७४
शुक्रबारबाट प्रदर्शनरत चलचित्र ‘मंगलम’ ले हिजो आइतबार राजधानीमा प्रेस शो सम्पन्न गरेको छ । उक्त सम्पन्न प्रेस शोमा फिल्मका कलाकार युनिट लगायत अन्य कलाकारहरुको समेत उपस्थिति रहेको थियो । पत्रकार तथा फिल्म युनिट संग चलचित्र हेर्न निर्माता छबिराज ओझाको पूर्व पत्नी अर्थात नायिका रेखा थापा समेत पुगेकी थीइन् । रेखा जब चलचित्र हेर्न पुगेकी थीईन् तब पत्रकारहरुको क्यामेराले उनलाई घेरेको थियो ।
चलचित्र हेर्नु पूर्व रेखाले पूर्वपति छबिराज ओझा संग कुराकानी गर्दै तस्बिर समेत खिचाएका थिए । उता पछि पनि नायिका शिल्पा पोखरेल र छबि संग बसेर पनि रेखाले तस्बिर खिचाएकी थीइन् । पत्रकारहरु संगै विभिन्न कलाकारहरु संग फिल्म हेरिरहदा रेखाको आँखा बाट आशु समेत खसेको थियो । फिल्म हेरेर बाहिर निस्कीसके पछि रेखाले छबि पुत्र साकार ओझा संगै फिल्मका मुख्य कलाकार शिल्पा पोखरेल, पुष्पल खड्का, र पृथ्बीराज प्रसाई संग समेत तस्बिर खिचाएका थिए ।
रेखाले फिल्म हेरिरहादा आफ्नो आँखाबाट आँसु खसेको बताउदै फिल्म निकै राम्रो बनेको बताएकी थिइन् । उता रेखाले फिल्मको तारिफ संगै शिल्पा, पुष्पल, र पृथ्बीको समेत तारिफ गरेकी थिइन् । कार्यक्रममा छबिले पनि रेखासंग बसेर कुराकानी समेत गरेकी थिइन् ।
फिल्म हेर्न रेखा संगै नायक किशोर खतिवडा, लेखक तथा निर्देशक शिबम अधिकारी समेत पुगेका थिए । फिल्म हेरिसकेपछि सबैले फिल्म निकै राम्रो बनेको र आँखा रसाएको बताएका थिए । बास्तबमानै फिल्म निकै राम्रो बनेको छ, किनकि फिल्मले समाबेश गरेको पारिबारिक पाटो, कलाकारहरुको अभिनय क्षमता आदिले फिल्म निकै राम्रो बनेको छ ।
