धमला पत्नी एलिजाको ‘अनुराग’ मा प्रतापको स्वर !

चर्चित पत्रकार ऋषि धमालकी श्रीमती एलिजा गौतमद्वारा निर्मित तथा अभिनित चलचित्र ‘अनुराग’ को नयाँ गीतको लिरिकल भिडियो सार्वजनिक भएको छ । चलचित्रमा समावेश ‘तिम्रो स्वरमा’ बोलको गीत सार्वजनिक गरिएको हो ।

चलचित्रका निर्देशक सत्यराज चौलागाँईको शब्द तथा सरोज पोख्रेलको संगीत रहेको उक्त गीतमा प्रताप दासको स्वर सुन्न सकिन्छ । चलचित्र जेष्ठ ११ गतेलाइ प्रदर्शन मिति तोकिएको छ

चलचित्र ‘अनुराग’ मा एलिजाले नव–नायक समुन्द्र पण्डितसँग रोमान्स गरेकी छन् । ‘अनुराग’ मा एलिजा, समुन्द्रसंगै ठिलेंन लामा, सरोज खनाल, रुपा राना, राजाराम पौडेल, शिशिर राना, मोहन निरौला, विश्व बस्नेत लगायतको अभिनय छ ।
चलचित्र ‘अनुराग’ सांगीतिक प्रेमकथामा आधारित छ । रामकुमार केसीले खिचेको चलचित्रमा किरण दाहालको कथा छ । भरत गौतम र गीता भेटवाल चलचित्रको निर्मातामा छन् । सत्यराज चौलागाईं र आगत केसीको पटकथा तथा संवाद रहेको चलचित्रमा प्रस्तुतकर्ता ऋषिराज धमला हुन् ।