काठमाडौं, २९ फागुन २०७४
हिजो सोमबार त्रिभुवन अन्तर्राष्ट्रिय विमानस्थलमा भएको विमान दुर्घटनामा ज्यान गुमाएका बंगलादेशका नागरिक तथा घाइतेहरूका आफन्तहरू नेपाल आउन लागेका छन् ।
मृतक र घाइतेका आफन्त बोकेको युएस–बंगलाको विमान नेपालका लागि उडेको दी डेली स्टारले जनाएको छ ।
विमानमा ४६ जना रहेको र सबै मृतकका आफन्तहरू भएको समाचारमा उल्लेख छ ।
सोमबार युएस–बंगला विमान दुर्घटनामा मारिएका ४९ जना मध्ये २६ जना बंगलादेशी नागरिक रहेका छन् ।
