गुरु बिना सफल भएका एकलब्य जसरी काम गर्छु

काठमाडौं, ३० फागुन २०७४

प्रधानमन्त्री ओलीले देशमा अनगिन्ति समस्याहरु भए पनि त्यसलाई समाधान गर्न तीव्र गतिमा काम गर्ने प्रतिबद्धता व्यक्त गरेका छन् ।

‘लक्ष्य तोकेर, नीति र कार्यक्रमका साथ यो सरकार अघि बढ्छ,’ प्रधानमन्त्री ओलीले भने, ‘ढुंगा फाँक्यो, जहाँ खस्यो त्यहाँ मेरो निशाना भन्ने जस्तो गरी यो सरकार अघि बढ्छ ।’

आफूले बालेको हरेक कुराको जवाफदेही हुने पनि उनले जिकिर गरे । ‘एक छिनका लागि राम्रो असल कुरा गरेर उम्किन प्रधानमन्त्रीको पदमा आएको होइन,’ उनले भने, ‘म कुनै बाहाना खोज्दिन । गुरु नपाए पनि परिक्षामा फेल हुन्न । गुरु बिना सफल भएका एकलब्य जसरी काम गर्छु ।’