प्रियंकालाई उछिन्दै दीपिका

बलिउडका दुई हिरोइनहरु दीपिका पादुकोण र प्रियंका चोपडालाई धेरैले तुलना गरेर हेर्ने गर्छन् ।

प्रियंका भन्दा दीपिका पछिल्लो पटक लोकप्रियताको मामिलामा अगाडी छिन्। भारतमा पहिलो पटक घोषणा गरिएको इन्स्टाग्राम अवार्डमा प्रियंकालाइ पछि पार्दै दीपिकाले ‘मस्ट फलोड अकाउन्ट’ टाइटल जितेकी हुन् ।

इन्स्टाग्राममा दीपिकाका २२.४ मिलियन फलोअर्स छन् भने प्रियंकाका २२ मिलियन छन् ।

पछिल्लो समयमा दीपिकाको चर्चा निकै नै बढेको पाईन्छ । पद्मावत फिल्मको रिलिजका क्रममा भएको विवादका कारण उनको चर्चा निकै नै भयो र त्यो फिल्ममा गरेको अभिनयका लागि कतिपयले उनलाई मार्ने धम्की अनि कसैले नाक काट्ने धम्की समेत दिएका थिए। सो फिल्मा उनले निर्वाह गरेको भूमिकाका कारण पनि दीपिका चर्चाको शिखरमा रहिन्। अर्कोतर्फ प्रियंका पछिल्लो समय हलिउडमा व्यस्त रहिन्। उनी विश्वव्यापी रुपमै सशक्त बन्दै गएकी छिन्।