उपेन्द्र र सलोना कान्तिपुर आइडल

कान्तिपुर आइडलको उपाधि उपेन्द्र सहयात्री राई र सलोनी मल्लले चुमेका छन् । सनराज इन्टरटेनमेन्ट प्रालिको आयोजनामा भएको कान्तिपुर आइडल खुला गायन तथा नृत्य प्रतियोगितामा उनीहरूले उपाधि चुमेका हुन् ।

गायनतर्फ फस्र्ट रनरअप समीर खरेल र सेकेन्ड रनरअप अभिषेक पोख्रेल भए । नृत्यतर्फ फस्र्ट रनरअप आर्या सुवेदी र सेकेन्ड रनरअप गणेश श्रेष्ठ भएका छन् । नाचघरमा सम्पन्न कार्यक्रममा गायनतर्फ निर्णायकमा राज सिग्देल र राजेन्द्रकमल राई थिए ।

आयोजकका तर्फबाट सन्तोष शर्मा र राजन कार्की रहेको कार्यक्रममा विजेतालाई विभिन्न उपहारका साथै ताज प्रदान गरिएको थियो ।

युवायुवतीको प्रतिभा निखार्दै उनीहरूको भविष्य निर्माणमा योगदान पुर्‍याउने उद्देश्यले प्रतियोगिताको आयोजना गरिएको हो । (नयाँ पत्रिका)