काठमाडौँ । चाइना कप फुटबलको उपाधि उरुग्वेले जितेको छ ।
सोमबार भएको खेलमा उरुग्वेले वेल्सलाई १-० गोल अन्तरले पराजित गर्दै चाइना कपको उपाधि जितेको हो ।
उरुग्वेको जितमा एडीसन कभानीले खेलको एक मात्र गोल गरेका थिए । पिएसजीका स्ट्राइकर कभानीले खेलको ४९औ मिनेटमा गोल गरेका थिए ।
यस अघि वेल्सले चीनको राष्ट्रिय टिमलाई ६-० ले पराजित गर्दै फाइनलमा प्रवेश गरेको थियो, जसमा रियल म्यदरी का स्ट्राइकर ग्यारेथ बेलले ह्याट्रिक गरेका थिए । त्यस्तै उरुग्वेले चेक रिपब्लिकलाई पराजित गर्दै फाइनलमा पुगेको थियो ।
