काठमाडौं : राजधानीमा मेगा अस्ट्रेलिया शैक्षिक मेला हुने भएको छ। वानअप प्रालि चैत १६ र १७ गते तेस्रो मेगा अस्ट्रेलिया शैक्षिक मेला २०७४ आयोजना गरेको हो।
नेपाली विद्यार्थीलार्इ अस्ट्रेलियाको शिक्षा प्रणाली, भिसा प्रकृया र छात्रवृत्तिको विषयमा सूचना प्रवाह गर्ने उदेश्यले शैक्षिक मेलाको आयोजना गरिएको वान अपका भोला पोखरेलले जानकारी दिए।
काठमाडौंको दरवारमार्गस्थित होटेल अन्नपूर्णमा हुने मेलामा अस्ट्रेलियाका कलेज र विश्वविद्यालय गरी ३० बढी संस्था सहभागी हुने आयोजकले जनाएको छ।
ब्रिटिस काउन्सिल प्रस्तुतकर्ता रहेको मेलामा विद्यार्थीले अस्ट्रेलियाका उत्कृष्ट कलेज तथा त्यहाँको शैक्षिक, आर्थिक प्रणालीका बारेमा विस्तृत जानकारी पाउने आयोजक वानअप प्रालिद्वारा जारी विज्ञप्तिमा जनाइएको छ।
