बलिउड नायिका अनुष्का शर्मा अचेल फिल्म ‘सुई धागा’को सुटिङमा व्यस्त छिन् । उनी सुटिङका लागि दिल्लीमा छिन् । यही क्रममा उनलाई हेर्न सयौँ फ्यान सुटिङ स्पट पुगे । अनुष्का शर्मा र वरुण धवनलाई हेर्न प्रशंसकहरूले घन्टौँ कुरे । तर, यसबीचमा अनुष्काले नयाँ योजना बनाइन ।
बिहेपछि अनुष्का फिल्मको सुटिङका लागि र विराट पनि क्रिकेटका लागि विदेशतिर फरक–फरक ठाउँमा हुन्थे । व्यस्त समय तालिकाका कारण एकले अर्कालाई समय दिनै पाइरहेका थिएनन् । जब अनुष्का सुटिङका लागि दिल्ली आइन्, तब उनले सुटिङबाट दुई दिनको बिदा मिलाइन् ।
बिदा लिएर अनुष्का विराट कोहलीलाई भेट्न गएकी छिन् । विराट अचेल आइपिएलको तयारीका लागि दिल्लीमा छन् । (नयाँ पत्रिका)
