बुटवल !! रुपन्देहीमा जारी तेस्रो संस्करणको मदन भण्डारी गोल्डकप फुटबलको तेस्रो क्वाटरफाइनलमा आज रुस्लान थ्रीस्टार र हिमालयन फुटबल क्लबबीच प्रतिस्पर्धा हुँदैछ ।
यसै सिजन बुटवलमै सम्पन्न तिलोत्तमा गोल्डकपको उपाधी उचालेको थ्रीस्टार हिमालयन क्लवविरुद्ध उच्च मनोबलका साथ मैदान उत्रनेछ । प्रतियोगितामा सहभागी एकमात्र विदेशी क्लव हिमालयनपनि प्रतियोगितामा सुखद सुरुवात गर्दै अघिल्लो चरण प्रवेश गर्ने लक्ष्यमा छ । २ टोलीबीचको प्रतिस्पर्धा रामनगरस्थित मानव ज्ञान माविको खेल मैदानमा दिउँसो ३ बजेपछि सुरु हुने छ ।
यसअघि हिजो भएको खेलमा विभागीय सशस्त्र प्रहरीको एपिएफलाई हराउँदै साविक विजेता सुनौलो संगम क्लबले प्रतियोगिताको सेमिफाइनलमा प्रवेश गरेको थियो ।
