सेभिलासँगको बराबरीमा मेसी र स्वरेजको उत्कृष्ट गोल

काठमाडौँ । स्पेनिस ला लिगमा बार्सिलोना बराबरीमा रोकिएको छ । गएराती भएको खेलमा सेभिलासँग २-२ गोलको बराबरीमा रोकिएको हो ।

२-० ले पछि परेको बार्सिलोनालाई खेलको अन्तिम समयमा लुइस स्वरेज र लियोनेल मेसीले हारबाट बचाएका छन् ।

स्वरेजले खेलको ८८औ मिनेटमा र मेसीले ८९औ मिनेटमा गोल गर्दै बार्सिलोनाले एक अंक खोस्न सफल भएको छ । यस अघि सेभिलाका लागि फ्रान्को भाजकोयेजले खेलको ३६औ मिनेटमा र लुइस मुरेलले खेलको ५०औ मिनेटमा गोल गरेर सेभिलाले २-० को अग्रता लिएको थियो ।

खेलमा मेसी सब्सटिच्युटको रुपमा खेलको ५८औ मिनेटमा मैदानमा आएका थिए ।

जितपछि ३० खेलमा ७६ अंकसहित बार्सिलोना एथलेटिको म्याड्रिड भन्दा १२ अंकले अगाडी रहेको छ भने सेभिला ३० खेलमा ४६ अंकसहित छैठौ स्थानामा रहेको छ ।