काठमाडौँ । इङलिश प्रिमियर लिगमा शनिबार राति म्यान्चेष्टर सिटीले सहज जित हात पारेको छ । एभर्टनलाई ३ -१ गोल अन्तरले पराजित गर्दै सिटी उपाधिको नजिक पुगेको छ ।
यस बर्षको प्रिमियर लिगको उपाधि जित्न सिटी अब एक जित मात्र टाढा रहेको छ । अर्को साता घरेलु मैदानमा हुने म्यान्चेष्टर डर्बी जितेमा सिटीले प्रिमियर लिगको उपाधि जित्ने छ ।
एभर्टनविरुद्धको जितमा सिटीका लागि लेरोई साने, ग्याब्रियल जिसस र रहिम स्टर्लिङले गोल गरेका थिए । खेलको चौथो मिनेटमा लेरोई सानेले गोल गर्दै सिटीलाई सुरुवाती अग्रता दिलाएका थिए । त्यसपछि खेलको १२औं मिनेटमा ग्याब्रियल जिससले गोल गोल गर्दै सिटीको अग्रता दोब्बर बनाएका थिए ।
खेलको ३७औं मिनेटमा डेविड सिल्भाको पासमा रहिम स्टर्लिङले गोल गर्दै सिटीलाई पहिलो हाफमा ३-० को दिलाएका थिए । खेलको दोस्रो हाफमा एभर्टनका बोलासीले सान्त्वना गोल गरेका थिए ।
जितसँगै सिटी ३१ खेलपछि १६ अंकको स्पष्ट अग्रता लिएर शिर्ष स्थानमा रहेको छ । सिटीको ८४ अंक छ बहने दोस्रो स्थानमा रहेको म्यान्चेष्टर युनाइटेड ६८ अंक रहेको छ ।
