अब चेन्नाईका रैनाले दुई खेल गुमाउने

पुने, ३० चैत

चेन्नाई सुपर किङ्सका भरपर्दा ब्याट्सम्यान सुरेश रैनाले चोटका कारण दुई खेल गुमाउने भएको छ। पिंडौलाको चोटका कारण रैनाले दुई खेल गुमाउने भएका हुन् । आइपिएलमा कोलकता नाईट राइडर्सविरुद्धको खेलका दौरान उनलाई चोट लागेको थियो ।

raina

मंगलबार भएको खेलको १० औं ओभरमा सुनिल नारिनको ओभरमा १ रनका लागि दौडिएपछि रैनालाई चोटका कारण संघर्ष गर्नुपरेको थियो । त्यो खेलमा रैना १२ बलमा १४ रन बनाउँदै आउट भएका थिए।

रैनाको चोटले चेन्नाईलाई मिडल अडरमा थप समस्या पर्न सक्नेछ । केदार जाधब यसअघि ह्यामस्ट्रिंगका कारण पुरै सिजन गुमाउने पक्का भएपछि रैनाको चोटले चेन्नाईलाई थप समस्यामा पारेको हो । (एजेन्सी)