न्युकासल युनाइटेडसँग आर्सनल पराजित

काठमाडौं, ३ वैशाख

इन्ग्लिश प्रिमियर लिग फुटबलमा आर्सनल पराजित भएको छ । आइतबार भएको खेलमा आर्सनल न्युकासल युनाइटेडसँग २ – १ ले पराजित भएको हो ।

घरेलु मैदानमा भएको खेलमा न्युकासलले सुरुवाती अग्रता उल्टाएर आर्सनललाई हराएको हो । न्युकासलको जितमा अयोजे परेज र माट रिट्चीले समान एक एक गोल गरे । आर्सनलका एलेक्जेन्डर लाकाजेट्सले एक गोल फर्काए ।

प्रतिस्पर्धात्मक बनेको खेलमा लाकाजेट्सको गोलबाट आर्सनलले १४ औं मिनेटमा अग्रता बनाएको थियो । तर, खेलको २९ औं मिनेटमा न्युकासलका परेजले गोल गर्दै खेल १ – १ को बराबरीमा ल्याए । त्यसपछि खेलको ६८ औं मिनेटमा रिट्चीले गोल गर्दै नयुकासललाई २ – १ को जित दिलाए ।

यो जितसँगै न्युकासलले ३३ खेलबाट ४१ अंक जोडेको छ । न्युकासल लिगको दशौं स्थानमा छ । पराजित आर्सनल ३३ खेलबाट ५४ अंक जोडेर लिगको छैटौं स्थानमा रहेको छ । यो हारसँगै आर्सनलको शीर्ष चारमा पुग्ने सम्भावना कठिन समेत बनेको छ ।