“गाँउमा हिरो भनेपछि राजेश , निखिल र बिराजलाई मात्र चिन्छन्”: रेखा

कुनै समयकी चर्चित नायिका रेखा थापा यतिबेला आफ्नो नयाँ चलचित्र मालिकाको लागि व्यस्त हुँदैछिन् । आफ्नो करियरको रफ्तारको समय उनी एकमात्र यस्ती नायिका थिईन् की उनले नायकहरुलाई नै कडा चुनौती दिने गर्थिन् । जसको कारण पनि उनको धेरै नायकहरु जस्तै की राजेश हमाल , निखिल उप्रेती र आर्यन सिग्देलसंग सम्बन्ध नै बिग्रियो ।

हुन त आज उनले निखिल र आर्यनसंग आफनो सम्बन्ध सुधारिसकेकी छिन् । पछिल्लो समय लगातार फ्लप चलचित्रको कारण केही सेलाएकी रेखाले नायक भनेको अझै पनि राजेश , निखिल र बिराज मात्र भएको बताएकीछिन् । एक अन्तरवार्ताको क्रममा उनले भनिन् भगवान कसम विकट विकट गाँउ गाँउमा अझै पनि नायक भनेर राजेश , निखिल र बिराजलाई मात्र चिन्छन् ।

अझै पनि बच्चाहरु निखिल उप्रेती जस्तो बन्छु भन्छन् । त्यसैले पनि यी नायकहरुले चलचित्र क्षेत्रमा निरन्तर लाग्नु पर्ने उनको भनाई छ । पुराना कलाकारहरु नयाँ प्रविधिीमा नभिजेको भन्ने प्रश्नमा उनले भनिन् “२० बर्ष यो क्षेत्रलाई व्याक टु व्याक हिट चलचित्र दिएको बिर्सने अनि नयाँहरु ह्वात्तै आए भन्दैमा यसो भन्न मिल्छ ?  म नयाँलाई स्वागत गर्छु तर उनीहरुलाई यही क्षेत्रमा २० बर्ष गुजारेर हेर भन्छु” ।