नयाँ दिल्ली, १२ वैशाख
इन्डियन प्रिमियर लिग-आईपिएल क्रिकेटमा टोलीको खराब प्रदर्शनपछि दिल्ली डेयर डेभिल्सका कप्तान गौतम गम्भिरले पदबाट राजिनामा दिएका छन्।
नेपाली स्पीनर सन्दीप लामिछाने सम्मिलित दिल्लीले जारी प्रतियोगितामा ६ खेल खेलिसक्दा केवल एक जितमात्र हात पारेको छ। सन्दीपले हालसम्म खेल्न पाएका छैनन्।
दिल्लीको कप्तानीको जिम्मेवारी श्रेयस आयरलाई दिईएको छ। राजिनामा दिदै गम्भिरले भनेका छन्- अंक तालिकामा हामी जहाँ छौं, त्यसको सम्पुर्ण जिम्मेवारी म लिन्छु।
गम्भिरले दिल्लीको सम्भावना अझै बाँकी रहेकाे पनि बताएका छन्। भनेका छन्- मलाई लाग्यो, मैले आवश्यक जिम्मेवारी पुरा गर्न सकिन। मैले नेतृत्व गर्न सक्नुपर्थ्याे। मैले यो निर्णय गर्ने ठिक समय हो किनभने हाम्रो सम्भावना सकिएको छैन। यो नितान्त मेरो निर्णय हो । यसमा क्लबको कुनै दबाब छैन।
अयर केवल २३ वर्षीय ब्याट्सम्यान हुन्।
