काठमाडौं, १५ वैशाख ।
३५ भन्दा बढी देशहरुमा लोकप्रिय कुरॉश संघले कपन भिलेज रिसोर्टमा प्रथम साधारण सभा सम्पन्न गरी जिल्ला खेलकुद विकास समिति काठमाडौंका अध्यक्ष ध्रुवराज न्यौपानेको अध्यक्षतामा १८ सदस्यीय केन्द्रीय समिति सर्वसम्मत रुपमा निर्वाचित गरेको छ ।
प्रथम साधारण सभाद्वारा निर्वाचित पदाधिकारी तथा सदस्यहरुको विवरण :
साधारण सभाको प्रमुख अतिथि ओलम्पिक कमिटिका महासचिव तथा राष्ट्रिय खेलकुद परिषद्का सचिव लामा टेण्डी शेर्पा र विशेष अतिथि राष्ट्रिय खेलकुद समितिका सदस्य उपेन्द्र पौडेल थिए । सभामा प्रमुख अतिथि शेर्पाले हिजोको दिनमा खेलकुद राजसंस्थाले पाखुरी देखाएर प्रभाव जमाउन र अहिले नेताहरुले रवाफ देखाउन प्रयोग गरेकोमा दु:ख व्यक्त गरे । साथै उनले भने,’ पार्टीको हैन राष्ट्रिय झण्डा उठाएर मात्र राष्ट्रिय खेलाडी बन्न सकिन्छ ।’
कार्यक्रममा उपेन्द्र पौडेलले कुरॉश खेलको माध्यमबाट खेलकुद क्षेत्रमा नेपाललाई ३५ देशमा चिनाउनुपर्नेमा जोड दिए ।
साधारण सभामा राष्ट्रिय खेलकुद परिषद्का कोषाध्यक्ष शैलेश कर्माचार्य, ओलम्पिक कमिटीका सह महासचिव राजिब श्रेष्ठ, राष्ट्रिय खेलकुद परिषद्का बोर्ड सदस्य उपेन्द्र पौडेल, राष्ट्रिय खेलकुद परिषद्का प्रशासन बिभाग प्रमुख बासुदेव आचार्य, बूढानीलकण्ठ नगरपालिका वडा नं. १० का वडाध्यक्ष नवराज भट्टराई, ११ का वडाध्यक्ष राजु अधिकारी, स्थानीय वडा सदस्यहरु र खेलप्रेमीहरुको बाक्लो उपस्थिति थियो ।
