२६ बैशाख २०७५, अर्घाखांची
विधालय स्तरबाटै खेलकुदको विकास र महत्व बढाउने उदेश्यले जिल्लाको छत्रदेब गाउपालिका वार्ड नं ७ भगवती तारुभतेरामा रहेको श्री जनकल्याण माध्यामिक विधालयलाई नेपाल विधार्थी संघका पुर्व केन्द्रीय सदस्य एवं युवानेता शिव पाण्डेले फुटबल, टेबलटेनिस, भलिबल लगायतका खेलकुद सामग्रीहरु वितरण गरेका छन् ।
पाण्डेले बुद्दजयन्तीको अवसर पारेर विधालयका स-प्राचार्य बुद्धिराम भुसाल, व्यवस्थापन समितिका अध्यक्ष हरि पाण्डे लगायत स्थानीय समाजसेवी तथा अभिभावकहरुको उपस्थितिमा खेलकुद सामग्रीहरु हस्तान्तरण गरेका हुन् ।
खेलकुद सामग्रीहरु हस्तान्तरण गर्दै पाण्डेले खेलकुद मार्फत विधार्थीको शारीरिक र मानसिक स्वास्थ्यमा सहयोग पुग्ने भएकोले आफूले सहयोग गरेको बताए ।
छत्रदेब वाड नं. ७ भगवतीमै समाजसेवी बुवा नारायण प्रसाद पाण्डे र आमा लक्ष्मी पाण्डेका २९ वर्षीय सुपुत्र शिव पाण्डे स्नात्तकोत्तर सकी गाउँमै कुखुरा फर्म, बाख्रा फर्म, कृषि फर्म जस्ता उत्पादनशील व्यसाय संचालन गरी अरुलाई समेत रोजगारी दिन सफल भएका छन् ।
