३१ वैशाख २०७५, काठमाडौं
राजधानीमा घोषणा भएको स्पोर्टस् अवार्डमा नेपाली राष्ट्रिय टोलीका क्रिकेटर सन्दीप लामिछाने आईपीएलमा राम्रो खेल प्रदर्शन गरेका कारण अवार्डको तीन विधामा मनोनयनमा परेका छन् ।
उत्कृष्ट पुरुष खेलाडीमा सन्दीपसँगै क्रिकेटर पारस खड्का, व्याड्मिन्टन खेलाडी दीपेश धामी, जुडो खेलाडी इन्द्रबहादुर श्रेष्ठ र गल्फ खेलाडी टंकबहादुर कार्की मनोनयनमा परेका छन् । उत्कृष्ट महिला खेलाडीमा भने बक्सिङकी विमला श्रेष्ठ, ब्याडमिन्टनकी शोभा गौचन, आर्चरीकी ज्ञानु अवाले, फुटबलकी सावित्रा भण्डारी र टेबलटेनिसकी नविता श्रेष्ठ मनोनयनमा परेका छन् ।
उत्कृष्ट युवा खेलाडीमा क्रिकेटर लामिछानेसँगै, क्रिकेटबाटै दीपेन्द्र सिंह ऐरी, फुटबलबाट दिनेश हेम्जन, जुडोबाट मनिता श्रेष्ठ प्रधान, बक्सिकबाट पुनम रावल मनोनयनमा परेका छन् ।
उत्कृष्ट प्रशिक्षकको मनोनयनमा क्रिकेट प्रशिक्षक जगत टमाटा, क्रिकेटबाटै बिनोद दास, फुटबल प्रशिक्षक छिरिङ लोप्साङ गुरुङ, बक्सिङका प्रकाश थापामगर र ब्याडमिन्टनका जयन्त कुमार श्रेष्ठ रहेका छन् ।
