२० जेठ २०७५, काठमाडौं
बुढानिलकण्ठ नगरपालिका वडा नं. ९ युवा खेलकुद कार्यक्रम समितिको आयोजनामा जेठ १२ देखि १९ सम्म संचालन भएको अन्तरविद्यालय फुटसल प्रतियोगिता रेभ् फुटसलमा सम्पन्न भएको छ । १५ देखि २५ वर्ष युवा समुहका स्थानीय सहभागी खेलमा १८ समुहको सहभागिता थियो ।
प्रथम – प्रतियोगितामा मण्डिखाटार भेट्रान क्लब टिम
द्वितीय – मण्डिखाटार ब्याईज टिम
तृतीय – रेभ् फुटसल टिम
प्रथम, द्वितीय र तृतीय हुने खेलाडीहरुलाई नगद १५,०००, १०,०००, ५,००० सहित प्रमाण–पत्र, शिल्ड वितरण गरिएको जानकारी कार्यक्रम संयोजक दानबहादुर खड्काले परिवर्तन खबरलाई दिए।
समापन कार्यक्रमा काठमाडौं क्षेत्र नं. ४(२) का सांसद कुसुम कुमार कार्कीको प्रमुख आतिथ्यमा, त्यस्तै अतिथि वडाध्यक्ष राजेन्द्रप्रसाद सापकोटा, निर्वाचित जनप्रतिनिधिहरु,अध्यक्ष अनिल श्रेष्ठ र दानबहादुर खड्काको संयोजकत्वमा सम्पन्न भएको थियो । समापन समारोहमा बोल्दै सांसद कार्कीले वडामा खेलकुद विकासको लागि आफूले पहल गर्ने बताए ।
