२५ जेठ २०७५, काठमाडौँ
सांसद एवं नेपाल ओलम्पिक कमिटिका अध्यक्ष जीवनराम श्रेष्ठले १८ औं एशियन गेम्स जकार्ता–पालेमबाङ २०१८ छनौट खेलको लागि खेलाडीहरुको विदाई गरेका छन् । भियतनामको होजीमी सिटीमा हुन गईरहेको League Of Legends (LOL) मा नेपाली खेलाडीहरु सौरभ रञ्जित, सौरभ मास्के, एलिन भट्टराई, एलिन बान्तवा, सिद्धिरत्न शाक्य र सुमित महर्जन रहेका छन् ।
कम्प्युटरबाट खेलिने ई स्पोर्टसमा नेपाल लगायत भारत, माल्दीभ्स, पाकिस्तान र श्रीलंकाका खेलाडीहरुको सहभागीता रहनेछ । नेपालबाट सहभागी भएका खेलाडीहरुको हौसला बढाउनको निम्ति नेपाल ई स्पोर्टस एशोसियशनका अध्यक्ष सुरज डंगोल समेत सहभागी भएका छन् ।
विदाई कार्यक्रममा नेपाल ई स्पोर्टस एशोसियशनका महासचिव सङ्ग्राम सिंह देउजा र कोषाध्यक्ष ज्योति रत्न बज्राचार्य समेत उपस्थित थिए ।
