०१ असार २०७५, इटहरी
गत जेठ २१ गतेबाट पूर्वी पृतना हेडक्वार्टर इटहरीमा संचालन भएको पृतनापति ट्रफी खेलकुद प्रतियोगिता सम्पन्न भएको छ । पृतनामा शुक्रवार पृतनापति समीर शाहीले एक समारोहका बिच खेलको समापन गरेका हुन् ।
प्रतियोगितामा पूर्वी पृतना हेडक्वाटर लगायत २, १८ र २१ बाहिनी अड्डा अन्तरगतका गण तथा गुल्महरुमा खेल संचालन गरिएको थियो । प्रतियोगीतामा संचालन भएका कबड्डी, साईक्लि¨, तेक्वान्दो, बक्सि¨ र एथलेटिक्स खेलमा नं. २ बाहिनी अड्डा प्रथम, स्वीमि¨ र ह्याण्डबल खेलमा नं. १८ बाहिनी अड्डा प्रथम, फुटबल खेलमा भैरबीदल गण, भलिबल खेलमा पशुपति प्रसाद गण, बास्केटबल खेलमा शेर गण र गुल्म भलिबलमा नाय रणभीम गुल्मले प्रथम स्थान हात पारेको छ ।
प्रतियोगिताका समग्र खेलमा समान अकं लिएर नं २ बाहिनी अड्डा र नं. १८ बाहिनी अड्डा प्रथम स्थान हासिल गरी “पृतनापति ट्रफि २०७५” जित्न सफल भएको छ भने नं. २१ बाहिनी अड्डा दोश्रो स्थान हासिल गर्न सफल भएको छ ।
