०३ असार २०७५, रसिया
रसियामा जारी विश्वकप फुटबलमा आज ५ पटकको विश्वकप बिजेता ब्राजिलले पहिलो खेलमा स्विजरल्याण्डसँग प्रतिष्पर्धा गर्दैछ । नेपाली समयानुसार राति ११:४५ बजे हुने खेल Rostov Arena स्टेडियममा हुँदैछ ।
२०१८ विश्वकपको प्रबल दाबेदार टिम ब्राजिल विश्वकप तयारी मैत्रीपूर्ण खेलहरूमा उच्च प्रदर्शनको साथ रसिया पुगेका छ । यद्यपि प्रशिक्षक टिटेले पहिलो खेल सधैँ गाह्रो हुने समेत बताइसकेका छन् ।
टिमका मुख्य स्ट्राइकर नेइमार अझै पूर्ण रुपमा फिट भइनसकेको तर पनि आफू र आफ्नो टिमले ठुलो आशा भने राखेको प्रशिक्षक टेटेले जानकारी दिएका छन् ।
समूह ई अन्तर्गत ब्राजिलसँगै स्विजरल्यान्ड, कोस्टारिका र सर्विया रहेका छन् । अझैं साँझ ५:४५ बजे समुह ई अन्तर्गतकै कोस्टारिका र सर्विया भिड्दैछन् भने साँझ ८:४५ मा समूह एफ अन्तर्गत जर्मनी विरुद्ध मेक्सिको भिड्दैछ ।
जारी विश्वकपको ११ औं खेल अन्तर्गत समूह चरणको दोस्रो खेलको निम्ति ब्राजिल र स्विजरल्यान्ड आमुन्नेसामुन्ने हुन लागेका हुन् ।
